فين التغيير ..فين التغيير
الصالحية طرقها كتير
ناس ركبت عربيات
كأن لسة
راكبين حمير
كل اللي يهمه
انه الناس تشوفه
سايق عربية وبيها بيطير
عاوز يمحي للاسف 
ماضيه
لما ركب جرار وقبله كان راكب حمير
ولما يقف قدام جزار
عاوزنا نشوفه بيشتري
خمسة كيلو وعشرة كيلو
كل همه يورينا انه مش جعان
زي ماضيه الحقير
كان بياكل المش
والبروتين اللي ياكله بس
دود المش اللي في المش بيسير
ويقعد في قعدة
يلوي بقه وشلاضيمه الكتير
ويسبقك في الكلام
في السياسة في ازمة الاقتصاد
حتي الخلايا الجذعية
ايام ماكانت الست امه قاعدة
جنب " جذع " نخلة بتلم الفص وتملا مايه م البير
وقال ايه بتحط بارفان
وهيه رايحة الغيط واحنا عارفينها
كانت بتقيل جنب الحيط
وتنام مع ابوه في فرشة حصير
ليه التمثيل والضحك علي الدقون
ماهو اصلك وفصلك صفحة رمة في ديوان الحمير
واللا التاني
ابو بدلة كاكي
ولابس شراب رمة بجزمة بمبي
لون " صبغة الشعر " الست امه
اللي طالعة دلوقتي م الحمام في بشكير
هو عاوز يتهندس ويتنجر
وماله
بس يغير كالون مخه
وسلوكه يتحضر
وبلاش والنبي عياله
يطرطروا عالسكة الحديد
ويبقي صاحب خلق مايكدبش
وايه يعني انه نشأ فقير
هو ده التغيير
والتاني اسمه ابوالليف
كان متربي في كنيف
وحياة ابوه بئس المصير
عاش مرمم وطول حياته لابس
جلابية كاروهات بخط مقلم
ورايح جاي راكب حمير
يسيء لاولاد الاصول
اصله تعبان بيطلع في الخفاء
ويقرص اللي بيعامله باحترام
ويعمل حساب بس للي يضربة بالجزمة
ويغطسه في الزير
وينسي المعروف
اصله كان خروف
ويوم ما ابوه تطور
اشتري لبيته جاروف
يخربيته ابوالليف
اللي عاش لما ابوه كان يفك عليهم
يشتري فاكهة ربطتين جرجير
فيه ناس الآن معاها فلوس
مش عارفة تعيش ولا تتمتع
لانها مطلعتش من جلاليب ابوهم المقرف
وعيشتهم كانت في التاريخ
بهدلة وجوع في كوكب المريخ
ولما جت فلوس ودهب كتير
ياحسرة مش عرفوا يفكوا
من عقد الماضي وامراضه الكتير
الكتير من هنا
عاوزين يعيشوا الدور
انه من عيلة واصله الخطير
مع ان المطلوب
يبطل تحديف الطوب
ويتخلق باخلاق الرسول الحبيب
ويحترم الصغير والكبير
ويبطل عياله يطرطروا في الشارع
ويعلم مراته او امه
ماترميش الزبالة عالسكة ولسانها
الطويل يرمي مع الزبالة مسامير
هو ده التغيير
مش كلمة تتغني
ولا " لوجو " يتحط عالسرير
ونتعامل بدون قنعرة
هو ناسي انه ابن المرة
واتولد في غيط الدرة
حتي شكله الخطير
طالع زي الزير
اللي كان حمام ابوه
اللي كان يوم سعده
يدهن الحيط بالجير
ويروح مولد العزازي
ويسرق حمص ويلبس الطراطير
مش مهم والله الاصل والفصل
المهم هو ايه في مصر النهارده
يتحضر ويتمنظر وماله بالاخلاق
وف عربيته اادب سواق
هو ده التغيير
شعر: محمد امام نويرة
المشاركات
ليست هناك تعليقات:
إرسال تعليق