في الأولة آآآآآآ ه
والتانية آآآآآآآآآآهوالتالتة نفس الحكاية !
فصول مأساوية ..
في حكاية اسمها الصالحيـــــــة..!
عجبي ...!
ــــــــــــــــــــــــ
قابلت مرة ( الفاشل )
والغبي ..
والمنبطح م النفاق !!
والكدب يابني تلال وجبال !
لكن في الصالحية الكدب سيارة
الكل فيها سواق !!
عجبي ...!
اللي نقوله نعيده محدش بيفهم !
يسرقوا مني اخر كلمة ..
يقولها الغبي والفاشل !
ويتغنوا بيها
وياريت فاهمينها
وانا بضحك ونفس الوقت بتألم !
عجبي !
************************
انتخابات 2010
انتخابات 2010
مكتوبة ع البشرة
هيسرح فيها ..
البرغوت
والقملة
والحشرة ..!وفار المراكب !
رايح وجاي !
يغني ع الناس !
وشه ورم م النفاق !
وف كل مرة ؟
انتخاباتنا فرصة ..
يطلعو فيها الاربعين حرامي !
يعكو البلد ويحبلوا النملة م البقرة !
وفيهم اللي مات
وفات
تشوفه في الصباح
تقوله يافتاح !مات وكان نفسه وطلب تفاح !
واللا الغبي والاغبياء كتير !
كان رمزه مسمار !
والغباء ملزوق بالغرة ع البشره
وعامل رئيس برلمان
وساكن في قصر الدوبارة !
ومعلق علي صدره الشاره
وقال ايه عاوز م التعب يركن
قال ايه تعب م السياسة
وهو حمار غبي يقع في كل حفرة
ادي اشكالنا اللي بتقود المسيرة !
مشكلة ياريت حد يفك فيها الشفرة !
وعجبي !
تأليف : محمد امام نويرة
المشاركات
ليست هناك تعليقات:
إرسال تعليق