بتوع امريكا اخترعوا الفيس بوك
لكن في الصالحية بسلامتنا
عملنا "" الفاس بــــوك !!
خش عليه...
من موقع " كريك بوك " !!
كله شتيمة ومكر وعك
مع ان اللي اخترع الفيس بوك
كان قصده شريف
الناس تتحاور وتناوروتناقش
حتي لو قلب الحكم في براقش
ناس تتكلم
والكل معلم
يقدم رأيه بالنقد
وماله حتي لوكان م الهند
بس بأدب وذوق ممنوع العك
لكن في بلدنا الصالحية
الفيس بوك عدلناه وحولناه
بقي " فاس بوك "
تخش عليه
من موقع " كريك بوك "
فيه وفيه
اللي بيتكلم من غير مايسب
وفيه اللي بيشتم بابن الكلب
وايه..........
فيه ناس
زي الترباس
قال ايه بيقولوا
كانو في التحرير
راحو في الثورة راكبين التوكتوك
وليه يكدب ويقول عملنا الثورة
بسلامته ساعتها كان خايف في البيت وعليه الدورة
ولايقدر يفتح حنكه ولا يلك
مش شرط يكون راح التحرير
يوم 25 كان بايت ولابس طراطير
ممكن يكون هو من الثوار
من غير مايقول راح التحريرويا الثوار
لو حتي ماراحش الميدان
ممكن يشارك في التغيير الآن
ويصنع مستقبل بلده من غير شعارات
ولابطولة مصنوعة ولا فتوحات
كفايه انه يشارك حتي في نضافة بلده
والله هيبقي من الثوار
من غير غزوات عا الفاس بوك
العمل المطلوب الآن
كل شارع عايشين فيه ...هو ميدان
عاوزينه يتغير
ويبقي شكل ومنظر
اللي مطلوب
مش هجص وكلام علي الفاس بوك
لكن خطوة صغيرة علي ارض الواقع
افضل من الف عبارة
وايدنا في ايد بعض
وفيس تو فيس
افضل من فاس بوك
تخش عليه من موقع
كريك بوك
اسمع نصيحتي
واوعي تلوك...............!!!
المشاركات
